-- ADVERTISEMENT --
Magapatigayon ang Police Regional Office 6 (PRO-6) sang PROJECT: GREEN CAMP, nga isa ka programa nga may tinutuyo nga mapasangkad ang eco-friendly nga inisyatibo man sang mga kapulisan.
Sa interview sang Bombo Radyo kay Police Major Lailyn Sencil, spokesperson sang PRO-6, iya ginpahayag nga kabahin sang programa ang urban gardening agud mapalapnag ang ihibalo sa paggamit sang compost pit kag pag-manage sang biodegradable waste.
Suno kay Sencil, ang tagsa ka police unit ginatugyanan sang plano sa pag-designate sang lugar kun sa diin ang mga personnel mahimo magtanom sang nagkalain-lain nga mga utanon.
Dugang pa sini, paagi sa bulig sang Kadiwa Program, mahimo nila mabaligya ang ila mga ani mga nga agricultural products.
