Pabor ang Police Regional Office 6 sa ordinansa nga nagahatag sang reward money system para sa mga makahatag sang impormasyon batok sa mga drug personalities.
Sa interview sang Bombo Radyo kay Police Major Lailyn Sencil, spokesperson sang Police Regional Office 6, iya ginpahayag nga ang nasambit nga ordinansa ang may titulo nga “Provincial Ordinance No. 2026-350 ang ang may tigulo “An Ordinance Strengthening the Campaign Against Illegal Drugs in the Province of Iloilo by Organizing the Barangay Bantay Droga (BBD), Prescribing Their Duties and Functions, Providing Funds Therefor, and for Other Purposes.”
Suno kay Sencil, may yara sang basehan ang paghatag sang reward depende sa impormasyon nga ihatag.
-Indi magnubo sa ₱10,000 – para sa makatudlo ukon makahatag impormasyon agud maaresto ang residente nga nagaduso sang iligal nga droga.
– Indi magnubo sa ₱20,000 – para sa makatudlo ukon makahatag impormasyon agud maaresto ang kaangay sang barangay kagawad ukon SK official nga nagaduso sang iligal nga droga.
– Indi magnubo sa ₱30,000 – para sa makatudlo ukon makahatag impormasyon agud maaresto ang mga kaangay sang barangay kapitan nga nagaduso sang iligal nga droga.
Pahayag pa niya, ipaidalum pa sa validation kag monitoring ang mga impormasyon antes ihatag ang nasambit nga reward.
Nagapanawagan man ang natungdan nga indi magkahadluk kag magkooperar agud bululigay nga mapapas ang iligal nga droga.
