ROXAS CITY – Ginkondenar sang pamunuan sang Police Regional Office – 6 ang pagpang-atake sang rebelde nga New Peoples Army sa mga katapo sang Philippine Army sa Barangay Boloc, Tubungan, Iloilo.
Suno sa PRO-6, ang nasambit nga pagpang-atake sang rebelde nga grupo ang pagpakita lamang sang ila bayolasyon sa ila man kaugalingon nga deklarasyon sang ceasefire ukon untat-lupok sa gobyerno.
Ginlapas sang NPA ang unilateral ceasefire nga ginpirmahan sang National Democratic Front of the Philippines (NDFP) pinaagi kay Communist Party of the Philippines (CPP) founder Jose Maria Sison pinaagi sa pagpang-atake sa mga police personnel sa nasambit nga lugar pinaagi sa paggamit sang landmine.
Ginpanindugan sang PRO-6 nga ang akto sang terorismo sang rebelde nga grupo ang nagapakita lamang sang pigado nga liderato grupo.
Nagapakita man ini sang indi sang makatawo nga pamaagi sang NPA sa pagpakilala sang ila nga ideyolohiya.
Mahibaluan nga naglawig sang masobra sa 10 ka minutos ang engkwentro sa tunga sang Philippine Army kag rebelde nga grupo sa lugar.
Wala pa matumod kun ano nga grupo ang naka-engkwentro sang 1st Iloilo Provincial Mobile Force Company kag Regional Mobile Force Batallion 6.
Wala sang may napilasan ukon napatay sa bahin sang Philippine Army kag indi man matul-id kun bala may nasamaran sa bahin sang rebelde nga grupo.
Ginapahayag nga nagpalagyo ang rebelde nga grupo padulong sa naaminhan nga bahin sang encounter site.
