Probinsiya sang Capiz may bastante nga suplay sang bugas – NFA Capiz branch

Ginkumpirma sang acting branch assistant manager sang National Food Authority (NFA) Capiz nga bastante ang suplay sang bugas sa probinsiya sang Capiz.

Ginpahayag ni Ms.Cashmere Gemarino, may 43mil 177 ka sako sang bugas nga naka-stock sa ila bodega sa karon sa diin sarang ini nga maka-suplay sa sulod sang isa ka semana sa mga pumuluyo.

Padayon man ang programa sang NFA nga pagpamalakal sang palay sa mga rice farmers para ma-stock sa bodega kag mabuligan man ang mga mangunguma.

Suno sa opisyal nga madamo sang stock nga palay ang talatapan bangud humalin sang bulan sang Enero tobtob Hulyo sini nga tuig kapin sa 78mil ka sako sang dried palay ang ila nabakal sa mga rice farmers.

Samtang nagapamakal ang NFA sang palay sa P19.00 per kilo.