ROXAS CITY -Ginkompirmar sang Regional Information Officer sang Department of Social Welfare and Development Office Region-6 (DSWD) nga indi na makabaton pa sang second tranche sang Social Amelioration Program ang mga benepisyaryo sa probinsiya sang Capiz.
Ini ang ginkompirmar ni Ms. Mae Rago-Castillo, Regional Information Officer sang DSWD-Region 6 sang mainterview sang Bombo Radyo.
Ginpahayag ni Castillo nga ang mga benepisyaryo gid lamang gikan sa probinsiya sang Iloilo, kalakip ang mga benepisyaryo sa Iloilo City, kag Bacolod City ang sarang makabaton sang ikaduha nga hugnat sang social amelioration program (SAP) sa Western Visayas.
Gindugang pa sini nga ang mga benepisyaryo sa Capiz, Guimaras, Aklan, Antique, kag probinsiya sang Negros Occidental ang indi na makabaton sang nasambit nga ayuda.
Suno sa kay Rago nga sandig ini sa rekomdendasyon sang National Inter Agency Task Force for the management of emerging infectious diseases sa diin ginbasehan dri ang ginpaguwa nga Executive Order ni Presidente Rodrigo Duterte nga ang mga kaprobinsiyahanan nga yara sa idalum sang Enhanced Community Quarantine (ECQ) humalin sang May 1-15,2020, ang makabaton sang ikaduha nga hugnat sang nasambit nga ayuda
