CAPIZ – Nakabalhag sang pinakauna nga nagbayolar sa Comelec Gun Ban ang probinsya sang Capiz.
Ini ang ginkumpirmar sang Police Information Officer sang Capiz Police Provincial Office, nga si PCPT. Merry Chris Dela Cruz sang mainterview sang Bombo Radyo.
Suno kay Dela Cruz, ang amu nga persona ang nagapang-edaron sang 46-anyos kung sa diin nakuhaan ini nga nagahupot sang armas luthang matapos ang ginpatigayon nga buybust operation sa Barangay Sublangon, Pontevedra, Capiz.
Dugang pa sini nga makabig ini nga isa ka bayolasyon sa bangud nadakpan ini sa tion mismo nga nangin epektibo ang comelec gun ban sa probinsya.
Mahibaluan nga ang armas luthang nga nakuha sa nadakpan wala sang nagakaigo nga dokumento.
Ginpahayag man sang PIO nga sa sulod sang apat ka adlaw nga nga pagpatigayon sang comelec gun ban, wala na sang may nadugang pa nga datos.
