Nagapabilin sa gihapon sa Tropical Cyclone Wind Signal No.1 ang Probinsya sang Capiz bangud sa padayon nga pagpalapit sang Tropical Storm Basyang.
Base sa Tropical Cyclone Bulletin No.15 nga ginpaguwa subong nga aga, nakit-an ang sentro sang bagyo sa palibot sang Jabonga, Agusan del Norte.
Ang bagyo Basyang ang may maximum sustained winds nga 65 kph kag kabaskugon tubtob 90kph, samtang kag nagahulag pa northwestward sa kadasigon nga 25kph.
Ginbatak naman sa Tropical Cyclone Wind Signal No. 2 ang sa pila ka bahin Visayas kag Mindanao, lakip na ang Southern Leyte, malapad nga bahin sang Cebu, Siquijor, Negros Oriental, southern Negros Occidental, Dinagat Islands, Surigao del Norte, northern Surigao del Sur, Agusan del Norte, northern Agusan del Sur, Camiguin, Misamis Oriental, northern Bunond, Misankidan kag Occidental,
nga may dala nga Mabaskog nga hangin nga mahimo makatuga sang gamay tubtob kasarangan nga kahalitan.
Samtang, ang Tropical Cyclone Wind Signal No.1 ang yara sa gihapon sa may bahin sang MIMAROPA, Visayas at Mindanao, lakip na ang southern portion sang Eastern Samar (Guiuan, Salcedo, Mercedes, Giporlos, Balangiga, Lawaan, Quinapondan, General Macarthur, Hernani, Llorente, Balangkayan, City of Borongan, Maydolong), southern portion sang Samar (Marabut, Basey, Santa Rita, Daram, Talalora, Zumarraga, Villareal, Pinabacdao, Calbiga), Biliran, nabilin nga bahin sang Leyte, nabilin nga bahin sang Cebu, ang nabilin nga bahin sang Negros Occidental, Guimaras, Iloilo, Capiz, Aklan, kag Antique.
Ginapanugyanan man ang publiko, ilabi na ang mga yara sa coastal areas kag mabukid nga bahin nga magpabilin nga alerto kag magsunod sa mga advisories sang local government units, PAGASA kag magpamati sa Bombo Radyo samtang padayon nga ginamonitor ang hulag sang bagyo.
