ROXAS CITY –Ginpanindugan sang chairman sang Committee on Education sang Sangguniang Panlalawigan ang nagalapta nga report nga pinaagi sa pagpanikasog sang provincial board natigayon nga masolusyunan ang problema sang Capiz DepEd Division angut sa pagkaon kag transportasyon sang mga atleta sang probinsiya para sa Western Visayas Regional Athletic Association (WVRAA) Meet nga hiwaton sa probinsiya sang Aklan.
Ginpahayag ni Board Member Thea Faith Reyes nga sila mismo sa Sanggunian ang nagpanikasog nga masabat ang gindangup nga problema sa ila sang delegasyon sang probinsiya para sa nasambit nga sporting event subong nga bulan sang Pebrero.
Ginpanindugan sang opisyal nga sala nga himoon nga rason nga delayed ang paghatag sang pondo sa magapasakup sa WVRAA Meet 2020 bangud sa kapaslawan sang Sangguniang Panlalawigan nga maaprubahan ang annual budget sang probinsiya.
Suno kay Reyes nga indi maapektuhan ang special education fund kun indi mapapasar ang 2020 AIP bangud yara lamang sa 20% deveopment fund sang Annual Investment Plan (AIP) ang may nakit-an nga iregularidad ang Sanggunian nga luyag nila matadlong ukon ma-amend sang executive department.
Ini man ang gintumod nga rason ni BM Reyes nga ila ini ginpabalik sa executive department agud magre-convene ang Provincial Development Council (PDC)
