Gina-planohan na sang Manila International Airport Authority (MIAA) ang pagpahamtang sang processing center sa Ninoy Aquino International Airport (NAIA) agud masiguro nga magaagi man sa hugot nga security measure ang mga VIP (very important persons).
Ginpahayag ni MIAA General Manager Eric Ines nga gina-planohan na sang mga ini ang maghamtang sang nasambit nga processing center sa Terminal 4.
Ini ang mangin general aviation processing, nga kun sa diin ginalaumaan ng magaabot kag magabalhin ang tanan nga mga VIP passenger.
Sa pihak sini, posible suno diri nga mahimo ini sa masunod nga semana.
Gin-athag naman sang opisyal nga magapabilin gihapon nga domestic terminal ang Terminal 4 samtang, isa ka lugar lamang sini ang pagahamtangan sang X-ray nga pagadumalahan sang mga Immigration kag Customs personnel, 24/7.
Una na nga ginhayag ni Senator Raffy Tulfo ang pagkadismayado sa kawalan sang bastante nga screening sa NAIA para sa mga VIP nga kun sa napasugtan ang mga ini sang direkta nga magpadulong sa ila mga eroplano gikan sa tagsa sini ka mga salakyan nga wala nagaagi sa masusi nga inspeksiyon.
