Kumbinsido ang pamunuan sang Sugar Regulatory Administration nga magataas ang kabug-usan nga produksyon sang kalamay sa pungsod subong nga tuig sang pananom.
Base sa forecast sang ahensya, posible nga maglab-ot ini sa 1.837 million metriko tonelada.
Ini nga numero Lima ka porsyento nga mas mataas sangsa nauna nga mga pagbanta nga 1.782 milyones ka metriko tonelada.
Sa isa ka pahayag, ginpahayag ni SRA Administrator Pablo Luis Azcona, ang mataas nga produksyon bangud sa pagsaka sang patubas sang kalamay kada ektarya nga ginatanom.
Ini sa pihak sang manubo nga kadamuon sang asukar nga makuha kada tonelada sang gin-utod nga kalamay.
Narekord sang ahensya ang pinakamadamo nga produksyon sa Visayas nga magalab-ot sa kabug-usan nga 71% sang sugarcane output sa bug-os nga pungsod.
Gikan sa amo nga numero, 63% ang narekord sang SRA gikan sa Isla sang Negros samtang 6.3% ang gikan sa Panay kag ang nabilin nga porsyento gikan sa Cebu kag Leyte.
24% sang output sang kalamay ang naghalin sa Mindanao samtang ang kontribusyon sang Luzon yara lamang sa lima ka porsyento.
