Ginkadismaya sang grupo nga Pamalakaya-Panay ang pagbasura sa petition para sa dugang nga P250 sa minimum wage.
Sa interview sang Bombo Radyo kay Nathaniel Baga-ot, spokeperson sang amo nga grupo, iya ginpahayag nga sa subong nga panahon nga padayon ang pagsaka sang presyo sang gatong kag iban pa nga mga balaklon, nagakadapat lamang nga pasakaan man ang sweldo sang mga mamumugon.
Suno kay Baga-ot, nagsarurot ang balor sang piso, sa dinn ang P550 nga minimum wage may katumbas na lamang nga yara sa P418, nga iya ginlaragway nga tama ka nubo para masuportahan ang adlaw-adlaw nga pagpangabuhi sang isa ka pamilya.
Bangud sini nagapanawagan ang ila nga grupo sang P1,200 nga minimum wage para sa mga mamumugon kag dugang nga suporta para sa mga mangingisda kag mangunguma sa pungsod.
