Wala sang bastante nga basehan ang pagdakop sa masobra 50 ka mga indibidwal sa tion sang hublag protesta nga ginhiwat kadungan sang ikalima nga State of the Nation Address (SONA) ni Presidente Ferdinand Marcos Jr. .
Suno sa report, lakip sa mga nadakpan amo ang pila ka mga katapo sang mga progresibo nga organisasyon nga nagpasakop sa mga demonstrasyon sa palibot sang Batasang Pambansa.
Sa interview sang Bombo Radyo kay France Castro, former ACT Teachers Party-list representative, iya ginpahayag nga wala sang legal nga basehan ang pagdakop sa mga nagprotesta.
Suno sa iya, madamo sa mga nadakpan ang wala ginpahibalo sang partikular nga kasuguan nga ila ginaalegar ginlapas, apisar sang malinong nga pagpatigayon sang ila protesta.
Suno kay Castro, ang insidente ang madugay na nga pag-target kag pagpamigos sa mga aktibista kag progresibo nga grupo.
Ginhatagan man niya sang importansya nga may agreement ang mga organizers kag kapulisan angot sa pagpatigayon sang aksyon protesta, kag importante nga tahuron sang magtimbang nga bahin ang ginkasugtan nga mga pagsulundan agud malikawan ang tensyon kag indi paghangpanay.
Nagalaum man ang natungdan nga may yara sang mas maayo nga komunikasyon kag koordinasyon sa tunga sang mga organizers kag mga otoridad sa palaabuton nga mga aksyon protesta agud maprotektahan ang kinamatarong sang mga pumuluyo sa matawhay nga pagtililipon, samtang ginapabilin ang katawhay kag seguridad sang publiko.
