Luyag sang progresibo nga grupo nga laktawan ang Article III ukon ang bahin nahanungod sa bribery sa impeachment trial ni Vice President Sara Duterte kag sa baylo tutukan ang Article II may kaangtanan sa alegasyon sang unexplained wealth.
Sa interview sang Bombo Radyo kay France Castro, former ACT Teachers Partylist Representative, iya ginpahayag nga makabulig ini sa pagpadasig sang impeachment trial, partikular sa pagpresentar sang mga ebidensya kag argumento sang prosecution.
Sa sini nga paagi, mas madasig nga matapos ang bahin sang prosecution kag mahatagan sang nagakaigo nga tion ang depensa agud mapresentar ang ila mga ebidensya kag sabton ang mga alegasyon batok sa bise presidente.
Nagalaum man ang grupo nga matapos ang impeachment trial antes matapos ang tuig kag makumpirmar ang pinal nga desisyon angut sa mga alegasyon batok kay VP Sara Duterte.
