Nagapanawagan ang progresibo nga grupo nga untaton na ang kurapsyon sa gobyerno.
Sa interview sang Bombo Radyo kay Lorna Coronado, lead convenor sang Kahublagan Kontra Korapsyon–Capiz, iya ginpahayag nga dapat mangin prayoridad sang administrasyon ang mas hugot nga pag-implementar sang mga layi batok sa korapsyon kag pagpanabat sa mga opisyal nga mapamatud-an nga naglapas sa ila katungdanan.
Suno pa kay Coronado, nagakinahanglan sang mas mataas nga transparency kag accountability sa pagdumala sang pondo agud masiguro nga nagaserbe ini sa interes sang katawhan kag indi sa personal nga interes sang pila ka indibidwal.
Nahibaluan nga nagpatigayon ang Archdiocese of Capiz sang ‘silent walk’ kaupod ang pila ka mga grupo kag indibidwal sa malinong nga pamaagi sang paghublag kadungan sang ika-40th anniversary sang EDSA People Power Revolution.
Nagapanawagan man ang natungdan sa aktibo nga partisipasyon sang publiko sa pagbantay sang mga proyekto kag programa sang gobyerno agud malikawan ang paglapta sang kurapsyon kag ma-angkon ang matuod nga kauswagan sa komunidad.
