Nagapati ang Peoples Coalition for Good Governance nga ang mga ebidensya nga ginpresentar may kaangtanan sa ginaalegar misuse of confidential funds ni Vice President Sara Duterte ang bastante na kag mabug-at.
Sa interview sang Bombo Radyo kay Mr. Wennie Sancho, Convenor sang Peoples Coalition for Good Governance, iya ginpahayag nga makaalarma nga wala nakahibalo ang pila ka mga empleyado sang Office of the Vice President kun diin ginagamit ang confidential funds.
Suno kay Sancho, kinahanglan ang transparency sa paggamit sang confidential funds bangud kwarta ini sang gobyerno kag naghalin sa public treasury.
Nagalaum man ang natungdan nga makahimo sang husto kag patas nga desisyon ang mga senator-judges sa impeachment trial ni Vice President Sara Duterte.
