Nagapati ang progresibo nga grupo nga daku ang papel ni Atty. Michael Poa sa pagpaathag sa ginaalegar iregularidad sa paggamit sang confidential funds ni Vice President Sara Duterte.
Sa interview sang Bombo Radyo kay former ACT Teachers Party-list Representative France Castro, iya ginpahayag nga posible may importante nga impormasyon si Poa bangud sa posisyon sini sa opisina ni Duterte sang tiglikom pa ini sang Department of Education.
Suno kay Castro, automatic nga mahimo mangin hostile witness si Poa bangud sa iya posisyon kag ihibalo sa mga transaksyon may kaangtanan sa confidential funds.
Nagalaum ang natungdan nga makabulig ang testimonya ni Poa agud mas mapaathag kag maklaro ang mga isyu sa palibot sang paggamit sang confidential funds ni Duterte bangud kwarta ini nga ginapanag-iyahan sang pumuluyo.
