ROXAS CITY – Nagpatigayon sang hublag-protesta ang pila ka mga progresibo nga grupo sa Capiz sa Roxas City Public Plaza kadungan sang ika-48 nga anibersaryo sang Martial Law.
Suno kay Angelo Orence sang Kahublagan sang mga Mangunguma sa Capiz (KAMACA), katuyuan sang amo nga lihok amo ang mapalab-ot sa gobyerno ang ginabakho nga problema sang mga pigado nga mga pumuluyo.
Suno diri madamo sang mga laye kag pagsulundan ang gobyerno nga nagapigos kag naga-upang sa pag-umwad sang kabuhi sang pila ka sektor sa sosyudad.
Kalakip sa ginapakamaot sang mga progresibo nga grupo ang Anti Terror Bill, epekto sang lockdown subong nga COVID-19 pandemic kag mga sweldo sang mga health care workers nga tuman ka-atrasado.
Kag ila man ginapanawagan sa gobyerno nga untaton na ang pagpatuman sang mga laye nga nagapigos sa sektor sang transportasyon kag mangunguma nga apektado man subong nga pandemya.
