ROXAS CITY – Natalana nga pasakaan sang panumbungon nga qualified theft ang 27-anyos nga promodizer matapos nadakpan sa CCTV footage nga nagpangawat sang tuman kadaku nga kantidad sa ginatrabahuan nga supermarket sa Burgos St., sining syudad.
Nakahunong sa gihapon sa lock up cell sang Roxas City PNP si Eugene Martinez sang Barangay Dumolog, Roxas City.
Nahibaluan nga modus na sang suspek nga magpabilin sa sulod sang nasambit nga establisemento kag sa dis-oras sang gab-i nagasuksok sang sako agud indi makit-an ang iya nawong antes buksan ang cash register machine.
Ginakakas sang suspek ang cord sa nalikod nga porsyon sang cash register machine kag gina-ilisan sang dala nga gadget.
Kapin sa P30,000 nga cash ang natigayon nga makuha ni Martinez sa tatlo ka mga cash register machine.
Samtang aminado ang suspek nga siya man ang responsable sa pagpangawat sang P80,000 nga kantidad sang Agosto 2017 samtang P40,000 sang Enero 2018.
