Ginpanindugan ni House Prosecution Spokesperson Atty. Benjamin Tolosa nga indi bastante nga rason ang kakulang sang tion ukon indi bastante nga mga defence lawyers agud ipaiway ang pagkumparar sang mga dokumento nga gamiton sa impeachment trial ni Vice President Sara Duterte.
Suno kay Tolosa, ang direktiba sang presiding officer ang nagatuyo nga mapadasig ang proceedings paagi sa pagkumparar sang mga liquidation reports kag iban pa nga common exhibits antes ang natalana nga hearing.
Ginpahayag sang depensa nga August 14 pa nila mahimo magpatigayon sang document comparison, apisar nga gin-abisuhan na sila sang Miyerkules.
Dugang pa niya, mahimo nila nga ipresentar ang amo nga bagay sa masunod nga hearing kag itugyan sa presiding officer ang pag-aksyun sini.
