-- ADVERTISEMENT --
Nagpangabay si House private prosecutor Atty. Erwin Matib nga indi pagpunggan ang pagpresentar sang mga ebidensya may kaangtanan sa tax kag bank records ni Vice President Sara Duterte sa impeachment trial.
Suno kay Matib, madamo nga taxpayers ang nagasubay sa impeachment trial kag luyag mahibaluan ang mga detalye parte sa income kag financial status sang bise presidente.
Dugang pa ni Matib, kon may yara sang unexplained wealth nga indi maipaliwanag, posible ini nga mangin basehan sa pag-usisa kon ini bala naghalin sa ill-gotten wealth.
Samtang, nagpangabay naman ang defense counsel nga si Atty. Kristine Ferrer nga indi ipakita ukon i-flash sa screen ang bank records ni Duterte.
