Ginpanindugan ni House prosecution spokesperson kag Lanao del Sur Rep. Zia Alonto Adiong nga ang impeachment trial ni Vice President Sara Duterte ang indi madiktahan sang anuman nga pressure group.
Suno kay Adiong, naka-angkla ang mandato sang House prosecution panel sa Konstitusyon kag sa mga ebidensiya nga ipresentar sa Senado nga naga-akto bilang impeachment court sa baylo nga sa panindugan sang mga nagasuporta ukon nagapamatuk sa impeachment.
Ginhatagan man niya sang igtalupangod nga ang pressure gikan sa magtimbang nga bahin madugay na nga nagaluntad, apang ang prosekusyon magapabilin nga nakatutok sa pagpadayon sang proseso sang salabton nga gintalana sang Konstitusyon.
Dugang pa ni i Adiong nga magapresentar sang ebidensya ang prosekusyon kag pahanugutan nga magpadayon ang proseso sang impeachment tubtob matapos ang trial.
