-- ADVERTISEMENT --
Ginkumpirma ni Trial Spokesperson Representative kag Kabataan Party-list Rep. Renee Co nga nag-file sang komento ang prosekusyon may kaangtanan sa ginaproponer nga stipulation of facts batuk kay VP Sara agud mapadasig ang hearing kag malikawan ang delay.
Sa baylo nga istoryahan ini sang indibidwal, igasumite ini sa nasulat nga porma para sa rekord sang impeachment court.
Ang House Prosecution Panel nagpangabay man sang mas maathag nga paglaragway sang mga motibo sang pila ka mga saksi sang depensa.
Suno kay Co, importante nga mahibaluan ang relevance kag importansya sang ila testimonya agud indi mausik ang oras sang korte kag masunod ang nagakaigo nga hearing process.
