Ginpahayag ni Chel Diokno nga respetuhon sang prosecution ang desisyon sang impeachment court may kaangtanan sa 16-vote threshold para sa conviction ni Vice President Sara Duterte.
Suno kay Diokno, indi nakapokus ang prosecution sa kadamuon sang boto kundi sa pagpresentar sang mabakod nga ebidensya para suportahan ang ila kaso.
Ginalauman nga pagahimuon sa Martes, Setyembre 23, ang oral arguments sang prosecution kag defense parte sa voting threshold.
Nag-umpisa ang diskusyon matapos mangayo ang Senate impeachment court sang opinyon sa mga anay Supreme Court justices kon dapat idugang sa pagtotal sang boto ang mga senador nga detained, nagatago ukon yara sa abroad.
Samtang, ang desisyon sang impeachment court sa voting threshold amo ang magadetermine kon pila ka boto ang kinahanglan para sa conviction ni Duterte.
