Ginpasundayag sang Probinsya sang Capiz ang iya mga kultural kag natural nga atraksyon, lakip na ang digital tourism initiatives, paagi sa “Balay Kawayan” booth sa 37th Philippine Travel Mart nga ginhiwat sa SMX Convention Center.
Sa interview sang Bombo Radyo kay Rophine Gregorio Visorio, Acting Head sang Provincial Tourism and Culture Affairs Office, iya ginpahayag nga ang paggamit sang kawayan sa booth nagarepresentar sang mga sustainable materials nga yara sa probinsya.
Suno kay Visorio, ginapakita man sini ang pagpasangkad sang turismo sang Capiz agud mangin mas resilient kag sustainable, ilabi na sa sang mga turista.
Ginahatagan man sini sang importansya ang digitalization paagi sa mas epektibo nga pagpromote sang mga tourism destinations sang Capiz.
Ang Philippine Travel Mart ang may tema nga “Nurturing NextGen Tourism,” nga nagtipon ang mga tourism stakeholders halin sa nagkalain-lain nga bahin sang Pilipinas agud mapasanyog sustainable kag innovative nga industriya sang turismo.
Nahibaluan nga nangin first runner-up ang Capiz sa Best Booth sa Regional/Provincial Level sang 37th Philippine Travel Mart, nga nagapakita sang potensyal sang probinsya bilang isa sa tourism destination sa pungsod.
