ROXAS CITY – Nagsabtanay si Provincial Administrator Edwin Chinel Monares kag Board Member Eleuper Bulilit Martinez sa Facebook natuhoy sa isyu sang apat ka mga pasyente nga napatay sa Intensive Care Unit ukon ICU sang Roxas Memorial Provincial Hospital.
Sa isa ka post sa facebook nagcomment si BM Martinez nga kasubong ginabasol sini si Monares angut sa kamatayon sang apat ka mga pasyente kag ginapangabay ang pagresign sini bilang Provincial Administrator.
Samtang ginsabat naman sang Provincial Administrator ang komento ni Martinez, nga indi dapat ini pagbasulon sa kamatayon sang apat ka nga pasyente bangud pagapasabton man sang pamunuan sang RMPH sa Press Briefing ang matuod nga natabo.
Samtang, ginhangkat naman ni Monares si Martinez nga magresign sa puwesto sa tion nga mapamatud-an nga wala ini sang kasaypanan.
