Naka-confine sa Roxas Memorial Provincial Hospital (RMPH) si Provincial Administrator Dr. Edwin Monares matapos nga nagsakit ang tiyan sa gin-inum nga gatas kag ginaalegar ginkaon nga Cabugao nga naghalin sa Davao.
Ba-se sa nakuha nga impormasyon sang Bombo Radyo, nag-jogging pa si Monares kaupod si Capiz Governor Esteban Evan Contreras II antes ini nagbatyag sang pagpalanakit sang tiyan.
Posible nga nakaangkon sang Loss Bowel Movement (LBM) si Monares kag ginpakamaayo na lamang sini nga magpa-confine sa RMPH.
Sa pihak sang ginabatyag ni Monares wala naman malikawan ni Board Member Eleuper Martinez nga maghatag sang iya nga komento sang nakita sini sa isa ka Facebook post ang laragway nga yara sa private room sang RMPH naka-confine si Monares.
Ginpahayag ni Martinez sa iya nga comment nga madamo sang mga Capizeño nga indi makasarang nga magbayad sa pagpa-confine sa pribado nga ospital.
Suno diri nga mas kinahanglan sang Capizeño ang pasilidad sang RMPH kun ikomparar kay Monares. Gindugang pa sini nga mas kinahanglan sang mga Capizeño ang pag-atipan kag atensiyon sang mga doktor kun ikomparar kay Monares.
