ROXAS CITY – Kasunod sa nagguha nga open letter nga nagapanawagan sa pagrevoke kag pagrecall sa appointment ni Dr. Edwin Monares, ang paghatag man sang iya reaksyon sang kontrobersiyal nga provincial administrator.
Napagkit sa sulat nga normal lamang nga mag-express sang sentimyento, pagpati kag ideya ang tawo, apang siguraduhon lamang nga wala ini nagalapas sa public morals.
Ginpanindugan man sini nga wala sa hurisdiksyon sang Sangguniang Panlalawigan nga maghusgar kun administrative performance sang isa ka administrador ang estoryahan bangud duha ka separado nga sangay sang gobyerno ang executive kag legislative branch.
Sa isyu nga nagasiling unfit ini nga mangin provincial administrator bangud indi siya isa ka Capizeño, makabig nga wala ini sang balasehan.
Ini bangud bisan alkalde, gobernador kalakip ang mga kongresista ang sarang makapadalagan kag makaserbe bisan pa nga indi sila tumandok sa lugar.
Ang importante lamang nga naka-establisar sila sang nagakaigo nga tinuig sa ila nga pag-estar sa amo nga lugar.
Ginsabat man sini ang akusasyon nga arogante ini kag indi makabaton sa iya nga kasal-anan bangud suno diri nga tuman ka judgemental ang nasambit nga tinaga.
