ROXAS CITY-Ginkumpirmar sang Capiz Provincial Administrator nga pirmado sini ang mando nga pagpasaylo kay Dr. Florencio Luching nga anay Chief of Hospital sang Mambusao District Hospital sa Out-Patient-Department sang Roxas Memorial Provincial sa Barangay Lanot, Roxas City.
Suno kay Dr. Edwin Chinel Monares nga may yara sang pahanugot gikan kay Capiz Governor Esteban Evan “Nonoy” Contreras ang pagpirma sini sa re-assignment order ni Luching.
Suno diri nga ang kadugayon kag eksperyinsya ni Luching bilang Chief of Hospital ang rason kun ngaa nadesisyonan ini nga igasaylo ang nasambit nga doktor sa Out-Patient-Department sang RMPH.
Dugang pa sini nga mahimo magamit ni Luching ang iya mga natun-an bilang Coordinator sa OPD ihilabi na gid nga ginakabig nga COVID-19 hospital ang RMPH sa probinsya.
Nagdepensa man si Monares nga ang pagpasaylo kay Luching sa OPD sang RMPH ang wala sang may kaangtanan sa mga reklamo sa Mambusao District Hospital.
Ginklaro man sini nga wala sang may nagreklamo nga isa ka alkalde sa probinsiya nga posible itudlo nga rason sa pagsipa kay Luching sa Mambusao District Hospital.
Ginpahayag sini nga kinahanglan lamang nga i-shuffle ang mga doktor sa idalum sang pampubliko nga ospital sa probinsiya.
