Provincial Capitol wala sang opisina sumugod subong nga adlaw kasunod sang pagpositibo sa rapid test sang 2 ka mga empleyado sa Provincial Governor’s Office

ROXAS CITY-Wala sang opisina subong nga adlaw sang Martes, Agosto 18, ang Capiz provincial capitol.

Ini bangud igapaidalom sa disinfection ang bilog nga kapitolyo kasunod sang pagpositibo sang duha ka mga empleyado sa rapid test.

Ini ang ginkompirmar mismo ni Provincial Administrator Edwin Monares pinaagi sa pag-post sang public statement ni Governor Esteban Evan Nonoy Contreras.

Ang duha ka mga gintumod nga empleyado ang naka-quarantine na kag ginpanugyanan naman ang mga na-expose sa ila nga magself-isolate samtang pending ang ila mga tests kag padayon nga gina-monitor