ROXAS CITY – Kapin sa 120 ka mga Police Non Commissioned Officer (PNCO’s) sa probinsiya sang Capiz ang na-promote sa next higher rank.
Ginpahayag ni Police Col. Julio Gustilo Jr., provincial director sang Capiz Police Provincial Office (CPPO) nga ginpatigayon ang donning ceremony sa Police Regional Office 6 headquarters sa Camp Martin Delgado sa Iloilo City sang nagligad nga Biyernes.
Suno sa opisyal nga tanan nga promotees nag-comply sa mandatory requirements sa tagsa ka rank pag-abot sa performance evaluation, education, eligibility, mandatory schooling.
Nagapati si Gustilo nga deserving ang tanan nga mga na-promote nga pulis nga nagsakripisyo sang daku agud mapataas ang ila nga ranggo.
Apang ginpahanumdum man ni PD Gustilo ang mga promotEes nga kasunod sang nabaton nga promotion sa ila rank ang responsibilidad kag pagtuman sa ila obligasyon nga serbisyuhan ang mga pumuluyo agud mapabilin ang kalinong kag katawhay sa lugar.
Indi man lipod sa opisyal ang sakripisyo nga ginhimo sang mga na-promote nga mga pulis.
Samtang ginpahanumdum man si Gustilo sa iban nga pulis nga wala pa na-promote sa ila mga ranggo ang hambalanon nga Patience is a Virtue.
Himoon lamang ang maayo nga pagpanerbisyo bangud indi magadugay kag sila man ang ma-promote.
