Handa na ang provincial government sang Capiz para sa pagbukas sang Paskwa sang Maragtas sa palaabuton nga Disyembre 1, 2025.
Sa interview sang Bombo Radyo kay Alphonsus Tesoro, head sang Provincial Tourism and Cultural Office, iya ginpahayag nga ang ini nga kahiwatan ang gindihon kag mas ginpasanyog sa pagpanguna sang gobernador sang Capiz nga si Governor Fredinil Castro kaupod ang nagkalain-lain nga kabanwahanan kag ahensya sa probinsya sang Capiz.
Suno kay Tesoro, ang paskwa sang Maragtas ang nagapakita sang matuod nga simbolo sang paskwa nga puno sang pagpalangga, paglaum kag paghiliusa.
Pahayag pa niya, madamo sang mga event ang kalakip sa sini nga selebrasyon kaangay sang video mapping sa facade sang bag o nga Capiz Provincial Capitol, cultural performances, Maragtas tourism award, food exhibit, terra madre, parada sang mga bituon ukon parol making contest kag pagbukas sang lighting sa provincial park.
Dugang pa niya, ang highlight sang sini nga selebrasyon amo ang opening sang Christmas Village snga magapakita sang nagkalain-lain nga istorya sang paskwa sang tagsa ka banwa sang probinsya sang Capiz.
Sa sini nga kahiwatan, iga-anunsyo man opsiyal nga pagbukas sang Capiztahan 2026 nga pagahiwaton sa April 13 tubtob 19 sa masunod nga tuig.
Nagapanawagan man ang natungdan nga mag-ugyon ang tanan agud nga mas mapanami ang selebrasyon sang Paskwa sang Maragtas.
