ROXAS CITY – Wala nagapabor ang presidente sang Liga ng mga Barangay sa probinsiya nga liwat ipaiway ang natalana nga Barangay kag Sangguniang Kabataan elections.
Suno kay Provincial Liga President kag ex-officio board member Lilia Demalata, indi makabig nga daku nga rason ang mga barangay officials nga ginaalegar may kahilabtanan sa ilegal nga droga agud mapaiway ang nasambit nga piniliay.
Ginpahayag pa sini nga wala sila nagkulang sa pagkooperar sa Philippine Drug Enforcement Agency ukon PDEA sa ila ginapatigayon nga random drug testing sa mga opisyales sang barangay.
Gindugang pa sini nga mangin ang Department of Interior and Local Government ukon DILG ang wala man sang may ginpalab-ot sa ila nga listahan sang mga opisyales sang barangay nga may kahilabtanan sa ilegal nga buluhaton.
Indi sang patas suno kay Demalata nga patutu-an lamang ang mga barangay officials kag indi ang himuon nga rason agud ipaiway ang nasambit nga eleksiyon.
Gindugang pa sini nga tion na agud pamatian ang publiko kag hatagan ini sang kahigayunan nga makapili sang ila kaugalingon nga mga lideres.
