ROXAS CITY – Indi pabor ang ex-officio member kag provincial liga president sa suhestyon ni President Rodrigo Duterte nga armasan ang mga punong barangay.
Sa interview sang Bombo Radyo Roxas kay Provincial Liga President Lilia Demalata, nagpanindugan ini nga indi solusyon ang pagpaarmas sa barangay kapitan agud masiguro ang maproteksyon ang mga ini sa kampanya kontra iligal na droga kag kriminalidad.
Subongman hindi ini ang sabat para mapabilin ang kalinungan sa isa ka lugar.
Nagapati si Demalata nga mabutang sa alang alang ang mga tawo labi na kun pikon ang isa ka barangay kapitan, kag indi imposible nga gamiton niya ang armas batuk sa iya nga kaaway.
Ginpahayag pa sang opisyal nga nagaisog ang tawo kun may ginadala yara ini sang armas rason nga para malikawan nga magsinakitay, ginsuhestyon ni Demalata na ipaagi na lamang sa matawhay nga pagpa-intiende, sa diin ini ang iya ginahimo sa iya barangay.
Gina-estorya kag ginapa-intiende sini sa mga constituents nga kinahanglan ang kooperasyon sang tanan agud mangin madinalag-on ang kampanya sang gobyerno batuk sa ginadumilian nga droga kag kriminalidad.
