ROXAS CITY -Gin-athag sang Provincial Link Officer sang Pantawd Pamilyang Pilipino Program (4ps) sang Department of Social Welfare and Development Office (DSWD) nga wala sang kamatuoran ang reklamo sang isa ka ginang batuk sa Pantawd Pamilyang Pilipino Program (4ps) parent leader nga ginpapirma ini sa blanko nga papel sa Barangay Malagab-i, Cuartero Capiz
Ini ang nangin pahayag ni Sheila Mae Lastimoso, Provincial Link Officer sang (4ps) sang mainterview sang Bombo Radyo.
Ginpahayag ni Lastimoso nga gin-reactivate ang account sang tagareklamo nga si Mrs. Josie Albay sa 4Ps bangud ginhulugan ini sang kantidad nga nabaton matapos nga nangin benepisyaryo sang social amelioration program ukon (SAP) sa pihak nga ginbawian na ini sang 4Ps I.D. kag ATM card sang tinalikdan nga tuig.
Gin-athag man ni Lastimoso nga wala sang kamatuoran ang alegasyon ni Albay nga blanko nga papel ang ginpapirmahan sa iya sang parent leader nga si Jocelyn Santos bangud nakita sini ang waiver nga ginpirmahan ni Albay.
Suno pa sa kay Lastimoso nga nakasulat sa hiligaynon ang kaundan sang waiver nga ginapabasa sa ila antes nga pirmahan.
Matandaan nga nagdangop sa Bombo Radyo si Albay matapos nga gin-alegar nga ginpapirma ini sa blanko nga papel sang 4ps parent leader nga si Jocelyn Delos Santos.
