ROXAS CITY – Aminado si provincial administrator Edwin Chinel Monares nga nabudlayan ini nga sabton ang Audit Observation Memorandum (AOM) nga ginpapanaog sang Commission on Audit sadtong Nobyembre 29, 2019 natuhoy sa ila natukiban sa ginpatigayon nga pag-audit sa Gender and Development (GAD) fund subong nga tuig.
Suno sa administrador, mangin siya ang nabudlayan naman nga sabton ang nasambit nga memorandum bangud napahayag naman niya ini tanan sa publiko.
Ginpahayag sini nga ginsalo lamang sang karon nga administrasyon ang problema nga ginbilin sang nakaligad nga administrasyon.
Ang nakaligad nga administrasyon suno diri ang dapat sini nga magsabat apang wala na sila sa pwesto.
Suno kay Monares nga gintinguhaan lamang sang karon nga administrasyon nga masolusyunan ang problema nga ginbilin sang nakaligad nga administrasyon natuhoy sa scholarship program sang gobyerno-probinsiyal.
Mahibaluan nga ang ginpapanaog nga memorandum sang COA ang may kahilabtanan sa pag-grant sang gobyerno-probinsiyal sang kapin sa 2037 ka mga scholars kun sa diin ang qualifications ang wala na-plastar sa initial disbursement sang pondo nga kapin 1.8 bilyones pesos nga gin-charge sa GAD fund sang gobyerno-probinsiyal.
Mahibaluan nga nagasupak ini sa pagsulundan sang gobyerno natuhoy sa paggamit sang GAD-fund.
