ROXAS CITY – Nagapati si provincial administrator Dr. Edwin Chinel Monares nga bangud sa iya masami nga pagtugda kag pagpahayag sang iya opinyon rason nga mainit ang iya pangalan sa iban nga mga miyembro sang Sangguniang Panlalawigan.
Ini ang ginpahayag mismo sang administrador sa exclusive interview sang Bombo Radyo.
Suno kay Monares nga nagapahayag lamang siya kun ano ang ensakto kag kun ano ang nakita sini nga sala bangud kalakip ini sa iya trabaho bilang administrador.
Ginpahayag sini nga indi na mahimo pa ni governor Esteban Evan Nonoy Contreras nga magpahayag pa natuhoy sa pila ka mga isyu rason nga siya ang gintugyanan sang amo nga responsibilidad.
Suno diri nga masako man ang gobernador sa pila sini ka mga ginahimo agud matuman ang ginpasalig nga mapalapit ang gobyerno sa tawo.
Ginpahayag ni Monares nga posible naakig sa iya ang mga indibidwal nga wala na sini ginhingadlan bangud kasubong nagapamalabag siya sa ila mga luyag matabo.
Nagapati man si Monares nga wala siya nagalapaw sa iya katungdanan bilang administrador bangud nahangpan niya sang husto ang iya nga trabaho.
Mahimo man suno sa iya matsekyar sang sinuman ang trabaho sang isa ka administrador sa idalom sang Local Government Code.
