ROXAS CITY – Ginpaathag sang Provincial Budget Officer nga ang ginhatag nga hazard pay sa mga nurses ukon empleyado sang Roxas Memorial Provincial Hospital ang ginbasehan sa ila nga payroll ukon sa adlaw sang ila nga pagduty.
Ini ang ginpahayag ni Provincial Budget Officer Antonio Arbis sang mainterview sang Bombo Radyo.
Suno kay Arbis nga nagabaton lamang sila sang payroll sang mga empleyado gikan sa amo nga ospital.
Gin-athag sini nga ang management mismo sang RMPH ang nagadeterminar kun sin-o ang hatagan nga empleyado sang hazard pay kag nagahatag lamang sila sang budget.
Nakadepende man sa adlaw sang ila pagduty ang paghatag kun sa diin ¼ sa ila nga sweldo ang paghatag sang hazard pay.
Magluwas sa hazard pay may yara man sang Special Risk Allowance ukon SRA sa mga medical personnels nga nagatatap sa nga COVID-19 patients.
Dugang pa ni Arbis nga nakadepende ang adlaw sang pagduty sang empleyado sa paghatag man sang hazard pay.
Mahibaluan nga may pila ka mga nurses ukon empleyado ang wala nakabaton sang hazard pay bangud ang iban sa ila nagapaidalom sa quarantine period.
Ginpahayag man sini nga indi man lang empleyado sang RMPH ang makabaton sini kundi may yara man ang mga empleyado sang kapitolyo probinsyal.
