ROXAS CITY – Naga-appeal karon ang Provincial Engineer’s Office kay Capiz Governor Esteban Evan Nonoy Contreras nga kuntani makabakal sang backhoe ang probinsya sang Capiz.
Ini matapos nga gin-disapproved sang Sangguniang Panlalawigan ang gina-request sang Engineer’s Office nga pagbakal sang bag-o nga backhoe para sa ginakaayo nga mga provincial roads.
Sa interview sang Bombo Radyo kay Engr. Edgar Agana nga isa ang backhoe sa mga importante nga mga heavy equipment’s nga kinahanglan ilabi na sa pagpakaayo sa mga dalanon sa probinsya.
Suno kay Agana nga kuntani maintiendihan sang Sangguniang Panlalawigan nga daku ini nga bulig para sa proyekto nga ginakaayo man sa probinsya.
Ginpahayag sini nga masobra 20-anyos na ang daan nga backhoe nga ginagamit sang probinsya gani kinahanglan na ini maislan bangud wala na ini naga-operate.
Mahibaluan nga wala naaprubahan sang Sangguniang Panlalawigan ang P12 million nga budget para sa pagbakal sang backhoe nagikan sa P81 million nga Supplemental Budget.
