ROXAS CITY – Ginkompirmar sang Provincial Jail Warden sang Capiz Rehabilitation Center nga nakalab-ot na sa iya igtalupangod ang mga alegasyon batuk sa ila nga Administrative Officer.
Sa interview sang Bombo Radyo kay Provincial Jail Warden Arjuna Yngcong nga madugay na ini nakahibalo sang mga alegasyon batuk kay Administrative Officer Andreo Llaver.
Wala man sini ginapadalman bangud wala man sang mga inmates ang nag-istorya personal natuhoy diri.
Suno kay Yngcong nga humalin sang una wala pa sang may mga anomalya nga nagakahinabo sa CRC.
Apang, natukiban man ni Yngcong nga samtang naga-leave ini ginapahayag nga nagpadala sang mga papeles si Llaver kay Provincial Administrator Edwin Chinel Monares nga wala sang pahanugot sa iya.
Ini bangud luyag ni Llaver nga mangin OIC sang nasambit nga pasilidad apang indi man ini kwalipikado.
Magluwas diri nga natukiban man sini ang pagpahanugot ni Llaver sa pila ka mga inmates nga maggamit sang cellphone kag pagdugang sang oras sa ila nga trabaho ukon duty.
Ginpasiguro naman ni Yngcong nga tanan nga mga alegasyon nga nagakahinabo sa sulod sang pasilidad ang pagaimbestigahan sang gobyerno probinsyal.
Samtang, ginpahayag naman ni Yngcong nga posible sa bulan sang Enero 2021 maga-retire na ini sa nasambit nga posisyon.
