PSE nagpaandam sa mga peke nga cryptocurrency investment scheme

Nagpaguha sang pagpaandam ang Philippine Stock Exchange (PSE) sa publiko angut sa paglapta sang mga peke nga cryptocurrency investment scheme.

Ang nasambit nga mga peke nga cryptocurrency investment scheme ang nagagamit pa sang logo sang PSE.

Nagsugod suno ini sa isa ka online advertisement kun sa diin ginganyat nila ang mga investors nga magbutang sang kwarta pamaagi sang PSE.

Ginatawagan sang mga suspek ang nasambit nga mga biktima agud ganyaton nga magdugang sang mga kwarta sa ila mga electronic wallets.

Pagklaro nila nga wala sila sang anuman nga ginatugutan nga maggamit sang ila logo kag wala sila nagabaligya sang crypto currencies.