Balantayan subong nga tig-ululan ang posible outbreak sang leptospirosis sa pila ka mga lugar nga ginbaha kag apektado sang bagyo.

Ini ang halin sa isa ka bacteria nga ginatawag nga leptospira.

Suno sa public health expert, ang ini nga bacterial disease ang sarang nga makuha sang isa ka tawo sa baha sa mga lugar nga may stagnant water kag may presensya sang ihi sang alaga, baka kag iban pa nga sapat pinaagi sa pilas sa diin man nga bahin sang lawas nga makadapat sa sini nga tubig.

Ang leptospirosis ang masami nga naga-igo sa kidney, atay kag renal failure bangud nga nag-contaminate na ang dugo sa kidney sang tawo.

Ang iban pa nga epekto sini amo ang meningitis, respiratory distress kag kamatayon.

Masami man nga indi sa gilayon nga mahibaluan nga may yara na sang leptospirosis bangud nga ginakabig gid lamang tawo nga isa ka hilanat.

Base sa pagtuon, madamo sang farm animals nga contaminated sang sini nga bacterial disease.

Masami sang mga gina-igo sini amo ang mga kalalakinhan bangud sila ang masami nga nagatrabaho sa uma.

Panugyan pa sini nga dapat magsuksok sang butas ang mga mangunguma kag likawan sang mga kabataan ang pag-ubog sa mga baha.