Dismayado ang isa ka public interest lawyer matapos ginbasura sang Korte Suprema ang iya petisyon nga nagakwestyon sa bag-o nga interpretasyon sang Senate Impeachment Court sa kinahanglanon nga voting threshold para sa conviction sa kaso nga impeachment ni Vice President Sara Duterte.
Sa interview sang Bombo Radyo kay Atty. Ernesto Francisco Jr.,Public Interest Lawyer, iya ginpahayag ang pagkadismaya sa sabat sang Korte Suprema sa iya panawagan nga magpagwa sang status quo ante order angut sa bag-o nga interpretasyon sang Senado sa two-thirds voting requirement.
Madumduman nga sang Setyembre 23, nagdesisyon ang Senate Impeachment Court nga ang “two-thirds of all the members of the Senate ” ang nagakahulugan lamang sa mga senador nga legal kag aktwal nga makapartisipar sa impeachment proceedings sa tion sang poll.
Pahayag pa sini, sa idalom sang 1987 Constitution, ginasiling nga ang pagka-convict sa impeachment nagakinahanglan sang pag-ugyon sang two-thirds of all members of the senate rason nga isyu sa subong akun paano isipon ang mga katapo sang Senado nga mahimo makaboto sa trial.
