Ginahingyo sang public interest lawyer nga mag-intervene ang Supreme Court sa nangin desisyon sang Senate Impeachment Court may kaangtanan sa voting threshold sang impeachment trial ni Vice President Sara Duterte.
Sa interview sang Bombo Radyo kay Atty. Ernesto Francisco Jr., Public Interest Lawyer, iya ginpahayag nga dapat usisaon sang Supreme Court ang legalidad sang nangin desisyon sang impeachment court, ilabi na kon may yara sang constitutional issue nga nagluntad.
Suno kay Francisco may katungdanan ang Korte Suprema nga mag-intervene kon may yara sang grave abuse of discretion ukon seryoso nga paglapas sa konstitusyon sa proseso sang impeachment trial.
Dugang pa niya, importante nga masiguro nga ang tanan nga ginahimo sa impeachment proceedings nagaangot sa mga provision sang 1987 Constitution.
