Nag-viral online ang isa ka public toilet sa China nga kinahanglan anay nga maglantaw sang malip-ot nga ads agud makakuha ka sang toilet paper.
Ang bag-o nga sistema amo ang pinakaulihi nga tikang sang China agud mabuhinan ang toilet paper waste sa mga pampubliko nga lugar.
Sang tuig 2017, ang mga dispenser nga may “facial scanners” ginpakilala nga nagahatag lamang sang 60-centimeter nga toilet paper kada siyam ka minuto.
Samtang sang tuig 2019, ang teknolohiya sang AI gingamit sa paghatag sang toilet paper kada 10 minutos sa tagsa ka user.
Sa subong nga sistema, ang isa ka user kinahanglan lamang nga mag-scan sang QR code gamit ang ila telepono kag magtan-aw sang isa ka pasayod agud makakuha sang isa ka strip sang toilet paper.
Ini nga sistema nagarepresentar sang isa ka daku nga pagbag-o sa adlaw-adlaw nga eksperyensya sang mga tawo sa public toilet sa China.
