Liwat nga nagpaandam ang Bureau of Fisheries and Aquatic Resources (BFAR) sa mga magabakal sang isda nga mangin mas mahalong kag aligmat sa ila pagpamakal.
Suno kay BFAR-Central Luzon director Wilfredo Cruz nga kinahanglan simhuton ang hasang sang baklon nga isda agud mahibaluan kun ini kontaminado na sang langis nga nag-awas nagikan sa mga naglugdang nga barko.
Aminado naman si Cruz nga tuman nga apektado ang sektor sang pagpangisda bangud apisar ang iban nga mga lugar indi apektado sang oil spill posible nga magtaas ang hesitation sa pagbakl sang isda.
Pahayag sang opisyal, base sa ulihi nga water quality analysis may pila ka area nga yara sa kritikal.
Buot silingon, lampas na ini sa oil kag grease content.
Mahibaluan nga na-monitor ini sa bahin sang Mariveles kag Limay, Bataan kag sa pihak sini wala pa nila nakit-an nga kinahanglan nga ideklarar ang fishing ban sa bilog nga Central Luzon.
Matandaan una na nga nag-issue sang fishing ban sa Limay sa Bataan kag may yara man sang no-catch and no-sell policy sa Cavite para sa mga shellfish sa lugar.
