Ginpaandaman sang Cybercrime Investigation and Coordinating Center (CICC) ang publiko tuhoy sa mga phishing scams nga nagpakuno-kuno nga mga parte sang e-wallets.
Suno kay CICC Director Alexander Ramos, ang ahensya ang nakadiskubre sang bag-o nga modus kun sa diin ang mga users ang nakabaton sang mga text messages nga kinahanglan suno i-update ang ila mga accounts gamit ang isa ka link nga gikan sa mga e-wallets.
Dugang pa ni CICC Director Ramos nga kun pinduton ang link nga ini ang maka-access na ang mga scammers sa mismo nga account sang mga users.
Ginaangot man nila ini sa mga nakaligad nga POGO scam centers kun sa diin nagbag-o man ang technique sang mga scammers.
Kaangut sini, padayon nga ginaganyat ni CICC Director Ramos nga mangin mahalong kag mapagmatyag sa paggamit sang e-wallets ilabi na subong nga palaabuton nga holiday seasons.
