Patay na sang masapwan ang isa ka pulis matapos alegar maghikog sa sulod sang comfort room sang Estancia Municipal Police Station sa banwa sang Estancia Iloilo.
Ginkilala ang biktima nga si PO1 James Aguymod, 48-anyos kag residente sang Barangay Poblacion sa amo man nga banwa.
Sa interview sang Bombo Radyo kay Estancia PNP chief PI Jona Galicia nga personal nga problema ang posible rason sang paghikog ni Aguymod.
Suno kay Galicia nga may yara sang kaso nga ginapangatubang ang biktima kag napaslawan man ini nga makatambong sang iya hearing sa ginapangatubang sang kaso.
Mahibaluan nga gamit sang biktima sa paghikog ang kable sang kuryente sa diin gin-angot pa sini sa bintana sang nasambit nga CR.
Nagapati man hepe nga wala sang foul play ang kamatayon sang nasambit nga biktima.
Si Aguymod ang bulag na sa iya asawa bangud sa ginapahayag sang ila mga
bisyo.
