Pulis nga akusado sa isa ka kaso, boluntaryo nga nagsungka sa Roxas City PNP

ROXAS CITY — Boluntaryo nga nagsungka sa Roxas City PNP ang isa ka pulis nga akusado sa kaso nga paglapas sa RA 9262 ukon Anti – Violence Against Women and Children Act.

Ginkilala ang akusado nga si PO1 PJ Lancita, 29-anyos, residente sang Barangay Ayugo, Lambunao, Iloilo apang nakadetalye sa Capiz Provincial Public Safety Company.

Ang warrant of arrest ni Lancita ginpapanaog ni Judge Marie Yvette-Go sang RTC 6th Judicial Region, Branch 32 sa Iloilo Hall of Justice sadtong Abril 17 sini nga tuig.

Temporaryo naman nga ginhilway si Lancita matapos makabayad ini sang P24 mil nga piyansa.