Patay ang isa ka aktibo nga miyembro sang Philippine National Police (PNP) matapos na-aksidente ang ginasakyan sini nga motorsiklo sa Barangay Poblacion Ilaya, Dao, Capiz.
Ang Pulis nga biktima ang na-assign sa intelligence unit sa amo man nga Police Station.
Sa interview sang Bombo Radyo kay Police Captain Rey Dordas, hepe sang Dao Municipal Police Station, iya ginpahayag nga pauli na kuntani sa banwa sang Cuartero gikan sa duty ang amo nga pulis sang natabo ang aksidente.
Suno kay Dordas, pag-abot sa nasambit nga lugar hinali nalang ini nga nadulaan sang kontrol sa manebela rason nga bumunggo ini sa pader nga amo ang rason sang iya nga kamatayon.
Sa subong, nagapadayon pa ang imbestigasyon sang Dao Municipal Police Station natuhoy sa amo nga aksidente.
