ROXAS CITY – Ipatawag sa maabot nga Lunes, Enero 29, 2018 sang National Police Commission (NAPOLCOM) Region 6 ang kontrobersiyal nga desk officer sang Roxas City PNP kag chief of police sang nasambit nga istasyon para ma-imbestigahan sa mga reklamo nga ginpalab-ot sa talatapan.
Ginreklamo sa NAPOLCOM ang pagpabaya sa iya nga trabaho ni PO2 Christopher Calinao bilang desk officer, sa diin nagakatulog ini sa oras sang trabaho kag naakig kun ginapukaw sang mga kaupdanan.
Suno kay Roxas kay Allen Camiring, spokesperson sang NAPOLCOM region 6, kinahanglan nga magsumiter sang explanation letter si Calinao kun ngaa wala sang administrative case nga ginpasaka batuk sa iya sa pihak nga madamo sang reklamo nga wala sini nahimo ang trabaho bangud mas madamo pa ang oras nga ini ang nagatulog sa baylo magtrabaho.Kun mapamatud-an nga guilty si Calinao sa mga reklamo batuk sa iya posible ini nga madismiss sa serbisyo.
Liwat nagpaandam si Camiring sang poder sang Napolcom nga mag-imbestiga sa nagakahinabo nga iregularidad sa PNP.
Samtang, i-momonitor naman sang Napolcom ang mangin aksyon ni Superintendent Dante Tayco, hepe sang Roxas City PNP sa kaso ni Calinao.
Kun mapamatud-an nga wala sang ginhimo nga aksyon si Tayco mahimo ini nga mapasakaan sang grave neglect if duty.
